Dalan

 

 

Dati, pinulbaran ko
man baklayon an dalan
kan saimong isip,

Sa paglaom na
sakuyang maaabot
ansaimong puso.

Hasta sa nagpundo na
sana ako, ta an tinampo
sa saimong isip damot
an pasikot sikot,

Ang mga kurbada
daing kasagkoran.

Dae ko aram kung igwa
pa nin katapusan and dalan
o kung igwa man talagang
puso na papadumanan..

Sayos

 

Sa gurigyaw kan pasulnop na saldang

Nagdadangadang an mga bayi.

Gupo kan gayon huli sa dai masiripan

An mga lawog nin

nasa gubing nin itom

Na abito o kun ano an sulot

na dai masabotan.

Duman sa gowa kan samong natad

Minaantabay sa paglahid kan sigid

Sa maalpog na tinampo.

Labi an gorogotokan

Mga banal na pangadyi

kan Santo Rosaryo.

An paros namina gikan pa sa ilawod

Sagkod sa puro kan iraya,

hogobohob sa talinga.

Garo baga subas kong

nanunuparan kan mga lantsa

Na dainggarod. Alagad uto,

padagos sa paglakaw

An mga bayi. Nakadungog sana,

dai nagtatao

Nin mga pasikrap sa

nagraralamag na kaakian.

Minakugos ako ki Nanay

ta an sabi sinda daa

Mga parakuang aki, magaarapay an

na naghiluno

Dangan nagin in tawo.

Tibaad sana, baad totoo.

Kana ko duminakula na, kan

lupos na an kamot

Ni Nanay sagkod na ako

dai naninmakaptan

An halomamang paghadit,

pagtakig kan boot,

Dinadaranas an akan mga sayos

Sa saindang paglakaw,

bendisyon sa kalag.

An saindang maluway nahalya,

Ini dai na naging purisaw sa talinga.

Related Links: